टोल फ्री : १११४
०१-५२४९५२४
A + | A -
Toggle Menu
APF
युएन शान्ति स्थापना तालिम शिक्षालय
सशस्त्र प्रहरी बल, नेपाल
Toggle Menu
APF
युएन शान्ति स्थापना तालिम शिक्षालय
सशस्त्र प्रहरी बल, नेपाल

गतिविधिहरू

APF Activities
महानगर प्रहरी जवान आधारभूत तालिमको प्रथम प्रवचन ।
मिति 2081/07/06 गते यस तालिम शिक्षालयका समादेशक सशस्त्र प्रहरी वरिष्ठ उपरिक्षक राजेन्द्र खड्काको प्रमुख आतिथ्यतामा महानगर प्रहरी जवान आधारभूत तालिमको प्रथम प्रवचन कार्यक्रम सम्पन्न भएको छ ।  १ महिना अबधिको यस तालिममा ९५ जना नगर प्रहरी जवानहरु सहभागी भएका छन् । यस तालिमबाट प्रशिक्षार्थीहरुले महानगर प्रहरीको काम कर्तव्य बिभिन्न नियम कानुन तथा बिभिन्न सुरक्षा निकाय र महानगर प्रहरी बिचको अन्तरसम्बन्ध लगायत बिबिध विषयमा ज्ञान हासील गर्ने छन् ।
2081-7-8
APF Activities
सि.सं. 17 (क) सशस्त्र प्रहरी सहायक निरीक्षक आधारभूत तालिमको प्रथम प्रवचन
मिति 2081।07।05 गते यस तालिम शिक्षालयका समादेशक सशस्त्र प्रहरी वरिष्ठ उपरीक्षक राजेन्द्र खड्काले सि.सं. 17 (क) सशस्त्र प्रहरी सहायक निरीक्षक आधारभूत तालिमको प्रथम प्रवचन गर्नुभएको छ । 47 हप्ता अवधिको यस तालिममा 47 जना संगठनमा नवप्रबेशी सशस्त्र प्रहरी सहायक निरीक्षकहरु सहभागी भएका छन् । यस तालिमबाट संगठनमा नवप्रबेशी  प्रशिक्षार्थीहरुले  सर्बसाधारण जिवनबाट एक व्यवसायीक दक्ष  सशस्त्र  प्रहरी सहायक निरीक्षक बन्नका लागि आवश्यक फौजीकला, नियम कानुन  लगायत सम्पूर्ण  ज्ञान   हासील गर्नेछन्  ।
2081-7-5
APF Activities
सि.सं. 10 प्रशासनिक व्यसवस्थापन तालिमको प्रथम प्रवचन
मिति २०८१।०७। ०४ गते यस तालिम शिक्षालयका समादेशक सशस्त्र प्रहरी बरिष्ठ उपरीक्षक राजेन्द्र खड्काले सि.सं. 10 प्रशासनिक व्यसवस्थापन तालिम (जु.अ.) को प्रथम प्रवचन गर्नुभएको छ । 6 हप्ता अवधिको उक्त तालिममा  29 जना सशस्त्र प्रहरी जुनियर अधिकृतहरु सहभागी भएका छन् । यस तालिमबाट  प्रशिक्षार्थीहरुले सशस्त्र प्रहरी ऐन, नियमावली लगाय प्रशासनिक काम कारवाही सम्बन्धी बिशिष्ट  ज्ञान हासिल गर्ने छन् ।
2081-7-5
APF Activities
सि.सं.413 बिल्लादार तालिमको अन्तिम प्रवचन
यस तालिम शिक्षालयमा संचालित सि.सं.413 बिल्लादार तालिमको अन्तिम प्रवचन मिति 2081।06।22 गते यस तालिम शिक्षालयका समादेशक सशस्त्र प्रहरी वरिष्ठ उपरीक्षक राजेन्द्र खड्काको प्रमुख आतिथ्यतामा समापन भएको थियो । उक्त तालिममा 58 जना सशस्त्र प्रहरी जवानहरु सहभागी भएकोमा 1 जना प्रशिक्षार्थी प्रथम चरण पश्‍चात निष्कासन भई जम्‍मा 57 जना प्रशिक्षार्थीहरु दीक्षित भएका छन्।
2081-7-1
APF Activities
सि.सं. 6 ईकाई सुरक्षा मुल्याङ्कन र निगरानी तालिमको अन्तिम प्रवचन
यस तालिम शिक्षालयमा संचालित सि.सं. 6 ईकाई सुरक्षा मुल्याङ्कन र निगरानी तालिमको अन्तिम प्रवचन मिति 2081।06।15 गते यस तालिम शिक्षालयका समादेशक सशस्त्र प्रहरी वरिष्ठ उपरीक्षक राजेन्द्र खड्काको प्रमुख आतिथ्यतामा सम्‍पन्‍न भएको छ । 24 कार्यदिन रहेको उक्त तालिममा 35 जना सशस्त्र प्रहरी कर्मचारीहरु सहभागी रहेका थिए। 
2081-7-1
APF Activities
कार्यरत सशस्त्र प्रहरी कर्मचारीहरुको उच्च रक्तचाप तथा मधुमेह स्क्रिनिङ्ग कार्याक्रम

मिति 2081।06।10 गते यस तालिम शिक्षालयमा कार्यरत सशस्त्र प्रहरी कर्मचारीहरुको उच्च रक्तचाप तथा मधुमेह स्क्रिनिङ्ग गरिएको र स्क्रिनिङ्ग पश्‍चात उच्च रक्तचाप तथा मधुमेहको जोखिममा रहेका सशस्त्र प्रहरी कर्मचारीहरुलाई आवश्पक परामर्श तथा स्वास्‍थ्य शिक्षा प्रदान गरिएको थियो ।

 

2081-6-11
APF Activities
नगर प्रहरी जवान आधारभूत तालिमको अन्तिम प्रवचन
यस तालिम शिक्षालयमा मिति 2081।05।04 गतेबाट संचालित "नगर प्रहरी जवान आधारभूत तालिम" को अन्तिम प्रवचन मिति 2081।06।10 गते काठमाडौं महानगरपालिकाको प्रमुख प्रशासकीय अधिकृत सरोज गुरागाई र यस तालिम शिक्षालयका समादेशक सशस्त्र प्रहरी वरिष्ठ उपरीक्षक राज्न्द्र खड्काको समुपस्थितिमा समपन्‍न भएको छ ।
2081-6-11
APF Activities
समाहीक जन्मोत्सव कार्यक्रम

मिति 2081।04।31 गते यस तालिम शिक्षालयका समादेशक सशस्त्र प्रहरी वरिष्‍ठ उपरीक्षक राजेन्द्र खड्‍काको प्रमुख आतिथ्यतामा शिक्षालयमा कार्यरत,  तथा तालिमरत सशस्त्र प्रहरी कर्मचारीहरुको हौसला र सामूहिक भावना अभिवृद्बि गर्ने उद्देश्य अनुरुप श्रावण महिना भरी जन्मोत्सव परेका 21 जना सशस्त्र प्रहरी कर्मचारीहरुको सामूहिक जन्मदिन विभिन्‍न मनोरञ्‍जनात्मक साँस्कृतिक कार्यक्रमहरु गरी सम्पन भएको छ । उक्त जन्मोत्सव कार्यक्रमको अवसरमा शिक्षालयमा कार्यरत सशस्त्र प्रहरी कर्मचारीहरु मध्येबाट श्रावण महिनामा उत्कृष्‍ट कार्य गरेका  सशस्त्र प्रहरी हवल्दार रामेश्‍वर महतलाई Soldier Of the Month घोषणा गरी प्रशंसा पत्र तथा नगद पुरस्कार प्रदान गरिएको छ ।

     साथै  मिति 2081।04।12 गते परेको अविरल वर्षाको कारण जिल्ला दोलखा कालिन्चोक गाउँपालिका वडा नं. 6 स्थायी घर भई यस तालिम शिक्षालयमा कार्यरत सशस्त्र प्रहरी जवान सुवास थामीको पहिरोले घर तथा पशु चौपायको क्षति भई  निजको परिवारजन आफन्तको घरमा स्थानान्तरण भई बसोबास गरिरहेको हुँदा यस तालिम शिक्षालयमा कार्यरत तथा तालिमरत सशस्त्र प्रहरी कर्मचारीहरुले सहयोग स्वरुप स्व-ईच्छुक रुपमा नगद रु. 67,830/- (सत्सट्ठी हजार आठ सय तिस मात्र) संकलन गरी  तालिम शिक्षालयका समादेशकद्बारा निजलाई हस्तान्तरण समेत गर्नुभएको थियो ।

2081-5-4
APF Activities
नगर प्रहरी जवान आधारभूत तालिमको प्रथम प्रवचन
मिति 2081/05/04 गते यस तालिम शिक्षालयका समादेशक सशस्त्र प्रहरी वरिष्ठ उपरिक्षक राजेन्द्र खड्काको प्रमुख आतिथ्यतामा नगर प्रहरी जवान आधारभूत तालिमको प्रथम प्रवचन कार्यक्रम सम्पन्न भएको छ ।  १ महिना अवधिको उक्त तालिममा ११० जना नगर प्रहरी जवानहरु सहभागी भएका छन् । उक्त तालिमबाट प्रशिक्षार्थीहरुले सामान्य फौजिकला तथा महानगरपालीकामा नगर प्रहरीले निर्वाह गर्नुपर्ने सम्पूर्ण जिम्मेवारीहरुको बारेमा यथेष्ट ज्ञान हासील गर्नेछन् ।
2081-5-4
APF Activities
संगठन प्रमुख सशस्त्र प्रहरी महानिरीक्षक श्रद्बेय श्रीमान् राजु अर्यालज्यूको तालिम शिक्षालयमा निरीक्षण भ्रमण
सशस्त्र प्रहरी बल, नेपालका विभिन्‍न स्थायी तथा अस्थायी कार्यालयहरुको निरीक्षण तथा भ्रमण गर्ने क्रममा मिति 2081।05।28 गते संगठन प्रमुख सशस्त्र प्रहरी महानिरीक्षक श्रद्बेय श्रीमान् राजु अर्यालज्यू सशस्त्र प्रहरी बल, नेपाल यू.एन. शान्ति स्थापना तालिम शिक्षालयमा पाल्नु भई यस तालिम शिक्षालयको सम्पूर्ण पेरिमिटर, मेश, कार्यालय तथा लाईन ब्यारेकको निरीक्षण गरी शिक्षालयमा कार्यरत तथा तालिमरत सकल दर्जाका सशस्त्र प्रहरी कर्मचारीहरुको व्यक्तिगत र पेशागत गुनासो बारे सोधपुछ गर्नुका साथै निर्देशन सम्बोधन दिनु भई मिति 2081।05।29 गते काठमाण्डौं तर्फ फर्कनु भएको थियो ।
2081-5-31
APF Activities
तीज विशेष तथा सामूहीक जन्मोत्सव कार्यक्रम

           मिति 2081।05।19 गते सशस्त्र प्रहरी बल, नेपाल यू.एन.शान्ति स्थापना तालिम शिक्षालयका समादेशक सशस्त्र प्रहरी वरिष्‍ठ उपरीक्षक राजेन्द्र खड्‍काको प्रमुख आतिथ्यतामा हिन्दु महिलाहरुको महान् पर्व तीज तथा भाद्र महिना भरी जन्मोत्सव परेका यस तालिम शिक्षालयमा कार्यरत तथा तालिमरत सशस्त्र प्रहरी कर्मचारीहरु र काठमाडौं महानगरपालिकाका नगर प्रहरी जवानहरुको सामूहिक जन्मोत्सव कार्यक्रम विविध सांस्कृतिक तथा मनोरोञ्‍जनात्मक खेलकुद कार्यक्रमहरुको बिच सम्पन्‍न भएको भएको छ ।

         ककनी गाउँपालिकाका उपाध्यक्ष श्रीमती मिठ्ठु माया तामाङ्ग विशेष  आतिथि, ककनी गाउँपालिकाका कार्यपालिकाका सदस्यहरु तथा कर्मचारीहरु, स्थानीय भद्रभलादमी लगायत कार्यरत सशस्त्र प्रहरी कर्मचारीहरुको परिवारजनहरुको सहभागीता रहेको उक्त कार्यक्रममा कार्यक्रमका प्रमुख अतिथि र विशेष अतिथिबाट तीज तथा सामूहीक जन्मोत्सवको शुभकामना मन्तव्य व्यक्त गर्नु भएको र सोही अवसरमा भाद्र महिनामा उत्कृष्‍ट कार्य गरेका सशस्त्र प्रहरी बल, नेपाल नं. 17 गण हे.क्वा. चितवन दरबन्दी भई यस तालिम शिक्षालयमा कार्यरत आई.डि.नं. 50052 का सशस्त्र प्रहरी सहायक हवल्दार दिपक थापालाई Soldier Of the Month घोषणा गरी प्रशंसा पत्र तथा नगद पुरस्कार प्रदान गरिएको साथै कार्यक्रमका विशेष अतिथिबाट उपस्थित सम्पूर्ण महिलाहरुलाई सौभाग्यको सामाग्रीहरु वितरण समेत गरिएको थियो ।

2081-5-20
APF Activities
सि.सं. ६ इकाइ सुरक्षा मुल्याङ्कन र निगरानी तालिमको प्रथम प्रवचन
मिति २०८१।०५।१६ गते सशस्त्र प्रहरी बल, नेपाल यू.एन.शान्ति स्थापना तालिम शिक्षालय ककनी नुवाकोटका समादेशक सशस्त्र प्रहरी वरिष्ठ उपरिक्षक राजेन्द्र खड्काको प्रमुख आतिथ्यतामा सि.सं. ६  इकाई सुरक्षा, मुल्याङ्कन र निगरानी  तालिमको प्रथम प्रवचन कार्यक्रम सम्पन्न भएको छ । १ महिना अवधिको उक्त तालिममा सशस्त्र प्रहरी बल, नेपालका विभिन्न युनिटहरुका जम्मा ३५ जना प्रशिक्षार्थीहरु सहभागी भएका छन् ।
2081-5-17
APF Activities
हेली दुर्घटनामा परिचालन

मिति 2081।04।23 गते अ. 14:20 बजेको समयमा नुवाकोट जिल्ला शिवपुरी गाउँपालिका वडा नं. 7 स्थित सूर्यचौर नजिकैको जंगलमा 1 जना नेपाली चालक र ४ जना चिनियाँ नागरिक सवार AIR DYNASTY को 9N-AJD रजिस्ट्रेसनको हेलीकप्टर त्रिभुवन विमानस्थलबाट स्याफ्रुबेसी, रसुवा उडानको क्रममा  दुर्घटना भएको जानकारी प्राप्त भए पश्‍चात यस तालिम शिक्षालयबाट  सशस्त्र प्रहरी निरीक्षक नविन खतिवडाको कमाण्डमा 1/10 जनाको टोलीले प्रहरी चौकी गुर्जे भञ्‍याङ्ग, नेपाली सेनाको राष्‍ट्रिय निकुञ्‍ज सुरक्षा पोष्‍ट गुर्जे भञ्‍याङ्ग, सशस्त्र प्रहरी बल, नेपाल नं. 19 गण हे.क्वा. (वि.का.) बगलामुखीका गणपति सशस्त्र प्रहरी उपरीक्षक समिक कुमार महर्जन, नं. 19 गुल्म हे.क्वा. नुवाकोटका गुल्मपति सशस्त्र प्रहरी नायव उपरीक्षक रामचन्द्र खिउजु, औद्योगिक सुरक्षा वेश बालाजुका वेश प्रमुख सशस्त्र प्रहरी नायव उपरीक्षक पदम खड्‍का, नेपाली सेना शिवपुरी नागार्जुन राष्‍ट्रिय निकुञ्‍ज लिपिकोट ब्यारेक काठमाण्डौका प्रमुख सेनानी भिष्म के.सी. तथा जिल्ला प्रहरी कार्यालय नुवाकोटका प्रहरी उपरीक्षक शान्तिराज कोइराला र प्रहरी बृत्त बुढानिलकण्ठ, काठमाण्डौका प्रहरी निरीक्षकको कमाण्डमा खटी आएको संयुक्त टोलीले घटनास्थलबाट सम्पूर्ण मृतकहरुको शव संकलन तथा उद्बार गरी पोष्‍ट मार्टमको लागि काठमाण्डौ स्थित त्रि.वि. शिक्षण अस्पतालतर्फ पठाइएको छ । 

2081-4-30
APF Activities
सि.सं.413 बिल्लादार तालिमको प्रवचन
मिति २०८१।०४।२० गते यस तालिम शिक्षालयका समादेशक सशस्त्र प्रहरी वरिष्ठ उपरिक्षक राजेन्द्र खड्काले सि.सं. ४१३ बिल्लादार तालिमको  प्रथम प्रवचन गर्नुभएको छ ।  ४८ कार्यदिनको उक्त तालिममा ५९ जना सशस्त्र प्रहरी जवानहरु सहभागी भएका छन् ।
2081-4-29
APF Activities
FPU Refresher तालिमको अन्तिम प्रवचन
मिति २०८१।०२।३२ गते यस तालिम शिक्षालयमा संचालित FPU Refresher तालिमको यस तालिम शिक्षालयका समादेशक सशस्त्र प्रहरी वरिष्ठ उपरिक्षक राजेन्द्र खड्काले समापन गर्नुभएको छ । संयुक्त राष्ट्रसंघको अनुरोधमा शान्ति स्थापनार्थ अफ्रिकी मुलुक दक्षिण सुडानमा एक बर्षे कार्यकाल सफलतापुर्वक सम्पन्न गरी स्वदेश फर्कनुभएका १७२ जना सशस्त्र प्रहरी कर्मचारीहरु सहभागी उक्त तालिममा प्रशिक्षार्थीहरुले संगठनका नविनतम कार्य तथा बिभिन्न फौजिकला सम्बन्धी बिषयहरुमा ज्ञान हासील गरेका छन् ।
2081-3-4
APF Activities
सामुहीक जन्मोत्सव तथा Soldier of the month घोषणा कार्यक्रम

        मिति 2081।03।30 गते यस तालिम शिक्षालयका समादेशक सशस्त्र प्रहरी वरिष्‍ठ उपरीक्षक राजेन्द्र खड्‍काको प्रमुख आतिथ्यतामा शिक्षालयमा कार्यरत तथा  तालिमरत सशस्त्र प्रहरी कर्मचारीहरुको हौसला र सामूहिक भावना अभिवृद्बि गर्ने उद्देश्य अनुरुप आषाढ महिना भरी जन्मोत्सव परेका 18 जना सशस्त्र प्रहरी कर्मचारीहरुको सामूहिक जन्मोत्सव विभिन्‍न मनोरञ्‍जनात्मक साँस्कृतिक कार्यक्रमहरु गरी मनाइएको छ । सो अवसरमा शिक्षालयमा कार्यरत सशस्त्र प्रहरी कर्मचारीहरु मध्येबाट आषाढ महिनामा उत्कृष्‍ट कार्य गरेका आई.डि.नं. 29459 का सशस्त्र प्रहरी परिचर सुरेश बयलकोटीलाई Soldier Of the Month घोषणा गरी प्रशंसा पत्र तथा नगद पुरस्कार प्रदान गरिएको थियो । उक्त कार्यक्रममा जिल्ला नुवाकोट ककनी गाउँपालिका ककनी  स्थित स्थानीय विभिन्‍न संघसंस्थाको प्रतिनिधि, भद्रभलादमी, नागरिक समाजका अगुवा तथा व्यवसायीहरु समेतको उपस्थिति रहेको  थियो । र उक्त कार्यक्रम समापन पश्‍चात आमन्त्रित व्यक्तित्वहरुसंग समसामयिक विषयमा यस शिक्षालयका समादेशकले अन्तरक्रिया कार्यक्रम  समेत गर्नुभएको थियो ।

2081-3-31