United Nations Peacekeeping Training School

उत्कृष्ट प्रशिक्षण नतिजा प्राप्त गर्ने शिक्षालय/समादेशक छनौट सम्बन्धी मापदण्ड 2081

मिति 2081।08।03 गते "उत्कृष्ट प्रशिक्षण नतिजा प्राप्त गर्ने शिक्षालय/समादेशक छनौट सम्बन्धी मापदण्ड 2081" बमोजिम मजकुर राष्ट्रिय सशस्त्र प्रहरी बल प्रशिक्षण प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल गिरीको कमाण्डको निरीक्षण टोलीले यस तालिम शिक्षालयको निरीक्षण गर्नुभएको छ ।

उक्त निरीक्षणको क्रममा मजकुर प्रतिष्ठानका कार्यकारी निर्देशक सशस्त्र प्रहरी नायव महानिरीक्षक कमल गिरीले शिक्षालयमा कार्यरत तथा तालिमरत सम्पूर्ण सशस्त्र प्रहरी कर्मचारीहरुलाई निर्देशन सम्बोधन समेत गर्नुभएको थियो ।

2081-8-3

सि.सं. 284 पत्ति पति तालिम र सि.सं. 238 स.प्र.ज. आधारभूत तालिमको प्रथम प्रवचन

मिति 2080।08।02 गते यस तालिम शिक्षालयका समादेशक सशस्त्र प्रहरी वरिष्ठ उपरिक्षक राजेन्द्र खड्काले सि.सं. 284 पत्ति पति तालिम र सि.सं. 238 सशस्त्र प्रहरी जवान आधारभूत तालिमको प्रथम प्रवचन गर्नुभएको छ ।

2081-8-3

"केन्द्रीय निरीक्षण एवं उत्कृष्‍ट इकाईहरुको छनौट तथा इकाईहरुको योग्‍यताक्रम निर्धारण सम्‍बन्‍धी स्‍थायी आदेश-२०80" बमोजिम शिक्षालयको निरीक्षण

मिति २०81।08।10 गते सशस्‍त्र प्रहरी बल, नेपाल "केन्द्रीय निरीक्षण एवं उत्कृष्‍ट इकाईहरुको छनौट तथा इकाईहरुको योग्‍यताक्रम निर्धारण सम्‍बन्‍धी स्‍थायी आदेश-२०80" बमोजिम मजकुर सशस्त्र प्रहरी बल, नेपाल प्रधान कार्यलयबाट पाल्नुभएका सशस्त्र प्रहरी नायव महानिरीक्षक लक्ष्मण बहादुर सिंहको कमाण्डको निरीक्षण टोलीबाट यस तालिम शिक्षालयको निरीक्षण सम्पन्‍न भएको छ ।

निरीक्षणको क्रममा टोली प्रमुख सशस्त्र प्रहरी नायव महानिरीक्षक लक्ष्मण बहादुर सिंहबाट यस तालिम शिक्षालयमा कार्यरत तथा तालिमरत सम्पुर्ण सशस्त्र प्रहरी कर्मचरीहरुलाई संगठनको निती निर्देशन तथा भावी योजनाहरुको बारेमा ब्रिफिङ्ग भएको थियो ।

2081-8-10

UNITED NATIONS DAY 2024

"United Nations Day 2024" को अवसरमा मिति 2081।07।8 गते यस शिक्षालयमा शान्तिको प्रतिक परेवा उडाई शिक्षालयको मेनगेट देखि जिल्ला नुवाकोट ककनी गाउँपालिका वडा नं. 5 स्थित ककनी बजार हुँदै ककनी अन्तर्राष्‍ट्रिय स्काउट केन्द्र सम्म यस शिक्षालयका समादेशक सशस्त्र प्रहरी वरिष्‍ठ उपरीक्षक राजेन्द्र खड्‍काको कमाण्डमा 210 जना सशस्त्र प्रहरी कर्मचारीहरुले प्रभातफेरी कार्यक्रम गरी स्थानीय ककनी बजार, शिवमन्दिर, थाई स्मृति पार्क लगायतका इलाकाहरुमा सरसाफाई कार्यक्रम गरेको छ ।

2081-7-8

कार्यरत सशस्त्र प्रहरी कर्मचारीहरुको उच्च रक्तचाप तथा मधुमेह स्क्रिनिङ्ग कार्याक्रम

मिति 2081।06।10 गते यस तालिम शिक्षालयमा कार्यरत सशस्त्र प्रहरी कर्मचारीहरुको उच्च रक्तचाप तथा मधुमेह स्क्रिनिङ्ग गरिएको र स्क्रिनिङ्ग पश्‍चात उच्च रक्तचाप तथा मधुमेहको जोखिममा रहेका सशस्त्र प्रहरी कर्मचारीहरुलाई आवश्पक परामर्श तथा स्वास्‍थ्य शिक्षा प्रदान गरिएको थियो ।

2081-6-11

नगर प्रहरी जवान आधारभूत तालिमको अन्तिम प्रवचन

यस तालिम शिक्षालयमा मिति 2081।05।04 गतेबाट संचालित "नगर प्रहरी जवान आधारभूत तालिम" को अन्तिम प्रवचन मिति 2081।06।10 गते काठमाडौं महानगरपालिकाको प्रमुख प्रशासकीय अधिकृत सरोज गुरागाई र यस तालिम शिक्षालयका समादेशक सशस्त्र प्रहरी वरिष्ठ उपरीक्षक राज्न्द्र खड्काको समुपस्थितिमा समपन्‍न भएको छ ।

2081-6-11

समाहीक जन्मोत्सव कार्यक्रम

मिति 2081।04।31 गते यस तालिम शिक्षालयका समादेशक सशस्त्र प्रहरी वरिष्‍ठ उपरीक्षक राजेन्द्र खड्‍काको प्रमुख आतिथ्यतामा शिक्षालयमा कार्यरत, तथा तालिमरत सशस्त्र प्रहरी कर्मचारीहरुको हौसला र सामूहिक भावना अभिवृद्बि गर्ने उद्देश्य अनुरुप श्रावण महिना भरी जन्मोत्सव परेका 21 जना सशस्त्र प्रहरी कर्मचारीहरुको सामूहिक जन्मदिन विभिन्‍न मनोरञ्‍जनात्मक साँस्कृतिक कार्यक्रमहरु गरी सम्पन भएको छ । उक्त जन्मोत्सव कार्यक्रमको अवसरमा शिक्षालयमा कार्यरत सशस्त्र प्रहरी कर्मचारीहरु मध्येबाट श्रावण महिनामा उत्कृष्‍ट कार्य गरेका सशस्त्र प्रहरी हवल्दार रामेश्‍वर महतलाई Soldier Of the Month घोषणा गरी प्रशंसा पत्र तथा नगद पुरस्कार प्रदान गरिएको छ ।

साथै मिति 2081।04।12 गते परेको अविरल वर्षाको कारण जिल्ला दोलखा कालिन्चोक गाउँपालिका वडा नं. 6 स्थायी घर भई यस तालिम शिक्षालयमा कार्यरत सशस्त्र प्रहरी जवान सुवास थामीको पहिरोले घर तथा पशु चौपायको क्षति भई निजको परिवारजन आफन्तको घरमा स्थानान्तरण भई बसोबास गरिरहेको हुँदा यस तालिम शिक्षालयमा कार्यरत तथा तालिमरत सशस्त्र प्रहरी कर्मचारीहरुले सहयोग स्वरुप स्व-ईच्छुक रुपमा नगद रु. 67,830/- (सत्सट्ठी हजार आठ सय तिस मात्र) संकलन गरी तालिम शिक्षालयका समादेशकद्बारा निजलाई हस्तान्तरण समेत गर्नुभएको थियो ।

2081-5-4

नगर प्रहरी जवान आधारभूत तालिमको प्रथम प्रवचन

मिति 2081/05/04 गते यस तालिम शिक्षालयका समादेशक सशस्त्र प्रहरी वरिष्ठ उपरिक्षक राजेन्द्र खड्काको प्रमुख आतिथ्यतामा नगर प्रहरी जवान आधारभूत तालिमको प्रथम प्रवचन कार्यक्रम सम्पन्न भएको छ । १ महिना अवधिको उक्त तालिममा ११० जना नगर प्रहरी जवानहरु सहभागी भएका छन् । उक्त तालिमबाट प्रशिक्षार्थीहरुले सामान्य फौजिकला तथा महानगरपालीकामा नगर प्रहरीले निर्वाह गर्नुपर्ने सम्पूर्ण जिम्मेवारीहरुको बारेमा यथेष्ट ज्ञान हासील गर्नेछन् ।

2081-5-4

संगठन प्रमुख सशस्त्र प्रहरी महानिरीक्षक श्रद्बेय श्रीमान् राजु अर्यालज्यूको तालिम शिक्षालयमा निरीक्षण भ्रमण

सशस्त्र प्रहरी बल, नेपालका विभिन्‍न स्थायी तथा अस्थायी कार्यालयहरुको निरीक्षण तथा भ्रमण गर्ने क्रममा मिति 2081।05।28 गते संगठन प्रमुख सशस्त्र प्रहरी महानिरीक्षक श्रद्बेय श्रीमान् राजु अर्यालज्यू सशस्त्र प्रहरी बल, नेपाल यू.एन. शान्ति स्थापना तालिम शिक्षालयमा पाल्नु भई यस तालिम शिक्षालयको सम्पूर्ण पेरिमिटर, मेश, कार्यालय तथा लाईन ब्यारेकको निरीक्षण गरी शिक्षालयमा कार्यरत तथा तालिमरत सकल दर्जाका सशस्त्र प्रहरी कर्मचारीहरुको व्यक्तिगत र पेशागत गुनासो बारे सोधपुछ गर्नुका साथै निर्देशन सम्बोधन दिनु भई मिति 2081।05।29 गते काठमाण्डौं तर्फ फर्कनु भएको थियो ।

2081-5-31

तीज विशेष तथा सामूहीक जन्मोत्सव कार्यक्रम

मिति 2081।05।19 गते सशस्त्र प्रहरी बल, नेपाल यू.एन.शान्ति स्थापना तालिम शिक्षालयका समादेशक सशस्त्र प्रहरी वरिष्‍ठ उपरीक्षक राजेन्द्र खड्‍काको प्रमुख आतिथ्यतामा हिन्दु महिलाहरुको महान् पर्व तीज तथा भाद्र महिना भरी जन्मोत्सव परेका यस तालिम शिक्षालयमा कार्यरत तथा तालिमरत सशस्त्र प्रहरी कर्मचारीहरु र काठमाडौं महानगरपालिकाका नगर प्रहरी जवानहरुको सामूहिक जन्मोत्सव कार्यक्रम विविध सांस्कृतिक तथा मनोरोञ्‍जनात्मक खेलकुद कार्यक्रमहरुको बिच सम्पन्‍न भएको भएको छ ।

ककनी गाउँपालिकाका उपाध्यक्ष श्रीमती मिठ्ठु माया तामाङ्ग विशेष आतिथि, ककनी गाउँपालिकाका कार्यपालिकाका सदस्यहरु तथा कर्मचारीहरु, स्थानीय भद्रभलादमी लगायत कार्यरत सशस्त्र प्रहरी कर्मचारीहरुको परिवारजनहरुको सहभागीता रहेको उक्त कार्यक्रममा कार्यक्रमका प्रमुख अतिथि र विशेष अतिथिबाट तीज तथा सामूहीक जन्मोत्सवको शुभकामना मन्तव्य व्यक्त गर्नु भएको र सोही अवसरमा भाद्र महिनामा उत्कृष्‍ट कार्य गरेका सशस्त्र प्रहरी बल, नेपाल नं. 17 गण हे.क्वा. चितवन दरबन्दी भई यस तालिम शिक्षालयमा कार्यरत आई.डि.नं. 50052 का सशस्त्र प्रहरी सहायक हवल्दार दिपक थापालाई Soldier Of the Month घोषणा गरी प्रशंसा पत्र तथा नगद पुरस्कार प्रदान गरिएको साथै कार्यक्रमका विशेष अतिथिबाट उपस्थित सम्पूर्ण महिलाहरुलाई सौभाग्यको सामाग्रीहरु वितरण समेत गरिएको थियो ।

2081-5-20